Me
Name: Simone (simi)
Alter: fast 16;-)
Grösse: 160 cm
Augenfarbe: bruun
Haarfarbe: blond
Hobbys: reiten, TEARs, Internet, Natel
Interessen: Pferde
Musik: alles
Haustiere: Katze
Lieblings...
Essen: Pizza
Trinken: Rivella blau;-), Bacardi
Farbe: rot
Tier: Pony
Musikgruppe: TEARs and Wurzel 5
Zeitvertreib: schlafä und ässä
Grüsse:mini Klass ( Anita, Melanie, Stucki, Vinci, Rohner, Stefan, Fritsch ), d Andrea us Wattwil, d Tina, dä Betsch, dä Mehmet, d Debi, d Chanti, dä Schütz, d Alex, d Sarah, mini Familiä und Verwandtä, min Vater (thanx fürd Hilf am Compi), mis Mami, d Caro, d Andrea (t-e-a-r-s.com), dä Andy us Wetzikä, dä Jonas us Wetzikä, dä little Fritsch, ma brother und dä Baumer, d Vanessa und dä Manu, dä Charly und dä Becker, d Fati, d Sabi, d Vani, dä Giampi, dä Gorne, dä Grünig, d Eva (t-e-a-r-s.com), d Isi, d Isi us Wattwil, d Yasie, d Katia (brosis-germany.de), d Kiara (t-e-a-r-s.com), d Lara, d Laura, d Laura 2 (t-e-a-r-s.com), d Lilo, dä chly Bäggi, d Melanie (t-e-a-r-s.com), d Nathi (t-e-a-r-s.com), d Paola (t-e-a-r-s.com), d Rosa, dä Sauer, d Schiäss, dä Silvan, dä Ueli, dä Wagner, d Evi, d Tiff, d Amy und d Romina
................................................................................................................
About Simi:
Also ich verzell jetzt eifach echli vo mir. Am 1. Februar 1987 um di 9.49 Uhr bin ich z Uznä im Spital ufd Welt cho, bin mega süäss gsi so als chlyses Baby, 3.550 Kilo liecht und 49 cm gross. Det hani no z Eschi gwohnt für äs Jahr und nacher simmer uf Schmerikä abä. 1988 hani scho mit Scheiss agfangä, säg nur Samichlaus;-). 1990 isch denn mini Schwöster, d Gerie (Caroline) ufd Wält cho, het mi schochly agschissä aber han ja au öpert brucht zum umäkomandiärä!!! Dänn fallt mer grad nütmeh i füres paar Jahr aber öpä mit 8iii hani müäsä iz Spital go d Hand operiärä wil ich so äs Holzteil drin gha han, det hani au gspunnä. Im 1998 hani agfangä ritä, s isch eifach s geilsti! Jaja und denn bini denn scho bald mal id Oberstufä cho, det ischs amigs abgangä, ei Huusornig nach dä andere und d Notä au dementschprechend schlecht. Hans idä Sek mega guet gha mit allnä Mitschüäler, erstundlich guet wenn mer bedenkt das mer us 2 Klassä zämä cho sind und mini 6 Klass besti Fründinn id Real isch. Aber s isch ja nöd s ersti Mal gsi. S erst Skilager mit allnä zämä, chan mi no guet erinnärä, det simmer uf Flums, soes geils Lager, isch eifach einzigartig gsi, bin immer mit dä Kollegin im Resti ghocket, het mi echli gstresst go boardä gah. Denn, 3/4 Jahr spöter simmer is Jungwacht Blauring-Lager, das wirdi au nöd so schnell fergässä, han so scheissgmacht mitem Kolleg hani immer \"Eiertutsch\" gmacht, verzell besser nöd wiä das gaht, aber s isch hammer gsi, vorallem wod Verarschigä agfangä hend, d Boys hend ebe chönä vo iräm Zimmer i euses luege und umgekert, dass heisst dases unä und öbä än zimlich grossä Spalt gha hett. Idä Nacht bini mmer am telefoniärä gsi, obwohls verbotä gsi wär aber was sölli machä wenn ali andere pennet? Dä Kolleg het immär dur dä underi Spalt Esswar unädurä geh und denn hani amig mit dä Tina eis Fressfäst gha! Und denn hend d Boys no agfangä Ko... übererüäre werden di andere pennt händ, denn händ mir Rache gmacht und Bi... und Ta... voll rotä Farb überegrüärt, siäch hend diä voll gmeint s seg echt!!!! hani eifach dä geilst gfundä!1/2 Jahr spöter isch denn s nöchst Skilager agstandä in Scuol, det bini scho zum 3 Mal im Skilager gsi, det ischs en Traum, he, bin grad s gegeteil gsi vom letschdä Lager, au am boardä weni krank gsi bin, sägä nur: ich tuen eu nöd uslachä, tuen eu alachä;-) S isch glaub is geilsti Skilager gsi! Mir sind immer go Alk suffä mit dä Leiter, zum Glück hets niemert gmerkt, hihihi! Und das dörft mer au nöd vergässä das ich und d Tina (wiä immer) amigs am Bügellift dä Händschä extra usägrüärt hend dasmer hend dörfä freifahrä aber meistens simmer zu dä Afänger wil mer denn händ chönä Scheiss machä wegem Leiter!! Am letschdä Tag bini denn leider würklich krank wordä und han ständig kiset und han denn au no müäsä heigah, mitem Zug, boah weni dä Zug vollkotzt het, peinlich!!! Leider isch somit au s Rännä usgfalllä woni abgmacht gha hett! Ja so isch au das Lager verby gagä, ich han übrigens s besti Board gha uf dä ganzä Wält, Scott USA und diä Bindig, bin immer di schnellsti gsy, mä het nur müäsä inäschlupfä und dä \"Hebel\" ufä tue! So und denn isch no äs drüüviertel Jahr: isch vill passiert, am 2-letschdä Schueltag vor dä grossä Summerferiä isch min Grossvater gstorbä, mir sind is JUBLA-Lager, Zeltlager, het mega gfägt und am Abig hämmers au lustig gha, ich fang jetzt da nöd no gross a verzellä aber da mir ja di ältistä gsi sind, simmer 2 Tag früäner gangä und hend inere Jugendherbergä übernachtet. Am Abig simmer denn no inä Pizzaria in Klosters, det händs eus usägschmissä, nacher simmer as Summerfäst in Klosters, det ischs eifach MEGA gsi, (fast) alli sind zue gsi, und ich han inä scho nach 2 Bier und echli Smirnoff und nomal soöpis, weiss garnümä wases gsy isch aber s isch kozgrusig gsi, denn han ich so tue als wär ich scho mega voll, die hends mer alli glaubt. Denn bini mit dä Kollegin id Jugendherberg gloffä wils irä nöd so guet gsi isch und sind echli go Billiard spilä und Tschütele bis spat id Nacht inä! Bald sind aber au di andere cho und denn hämmers witer lustig gha und immer mega meis gmacht. öperem isch d Bierfläschä ad Wand keit, irgendwie und denn isch diä Family wo nebet eus idä Herberg gsy isch, mega usgrastet und het eus mega zämägschissä, am Morgä hets ei reklamation nach dä andere geh und mir sind schowider gschmissä wordä! Ja und denn isch ebe s Lager gsi, isch u schön gsy. Nachem Lager bini mit dä Family uf Südfrankrych, det ischs au u schön, mi händ nur scheiss gmacht aber denn het min Brüäder müäsä is Spital und d Feriä sind verby gsi. Ich und mini Schwöö hend aber witer Party gmacht. Womer wider dihei gsi sind, isch d Schuel scho witergangä und mir sind vo öpä 20 nur no 9 gsy, isch härt für mich da ich zimlich di meistä Wiiber eifach nöd chan ha, entweder s Tussy getue, d Ybildig oder d Art, oke mit dä Tina, Anita, Isabel und dä Vroni hanis immer guet gha aber jetzt bin nur no ich, d Melanie und d Anita, d Meli hani jetzt neu kennäglernt und si isch no zwäg aber d Anita??? Meine Güte, ich fang nöd a verzellä, das isch eifach ä huere Bitsch!!!!!!!! Naja... Jetzt sind ja Herbstferiä und nach dä Feriä chunt ä neui, versuech nett z sy aber si gaht mer jetzt scho ufd Nervä will si sich scho jetzt es paar unfairi Sachä erlaubt het. Was sölls, han ja no mini Rösslis, aber min grösstä Schatz, dä Bischu chunt morn, 14.10.2002 id Metzg, ich han mich hüt schnell in Stall gschlichä zum mi churz verabschidä will ich di ganzi Wuchä nöd han chönä gah und am Sunntig wänd d Buurä nöd dasmer chömet, naja, s git schlimmers!!!!!! That\'s my life!!!!!!!!!!!!